Friday, March 11, 2016

ஒருதலைக் காதல்

வானத்து
பிறை வெளிச்சம்
அப்போதுதான் மறைந்திருக்க
அது வந்துபோன
சுவடுகளைத் தேடி
மௌனமாய்
அலையும்
மழைமேகத்திடம்
ஒரு கைதியாய்
ஒரு குற்றவாளியாய்
கூண்டில் ஏற்றப்படுகிறது
ஒருதலை காதல்

அதுவரையில்
காதலை புகழ்ந்து பாடிய
பேனாவின் முள்
குத்திக்கிழிக்கிறது
நிராகரித்த
கணத்தில்

கவிதை சுமக்கும்
காகிதங்களை
கப்பலாய்
மிதக்கவிடக்கூட
அருகதையற்று
அவஸ்தையில்
நீளுகிறது அதன்
நாட்கள்

அழுவதை யாரும்
பார்த்திட வில்லை
உருகும் பனிமலைகள்
உள்ளம் வெடித்தெழும்
எரிமலைகள்
ஒன்றிணைந்து
ஒருதலைக் காதலை
உலகிற்கு
உணர்த்திவிட்டுப் போக
உணர்வற்று வெறும்
வர்ணனை பூசப்பட்ட
காதல்
கவிதைகள்தான்
என்ன செய்யும்

இதயத்தை குத்திக் கிளறி
இரத்தத்தால்
மூழ்கடிப்பதை தவிர
எச்சரிக்கைகள்
வெறும்
எச்சில் உமிழும்
ஒரு எதேச்சதிகாரமாய்
காதலுக்கு முன்
மண்டியிட்டு
சவால் விடும்

ஒருதலைக் காதலை
சுமந்தவர்களின்
கர்வத்தை உடைக்க
கண்ணீர் மடையை
உடைத்துக் கொண்டு
வெளிவருகிறது
தன்னிலை
நினைத்தழும்
பதற்றத்தையும்
இந்த காதல்
ஆட்கொண்டுத்தான்
போகிறது

தன் ஆளுமைக்கு
உட்பட்டு அனாதைகளாக
திரியும் ஒருதலைக்
காதலின் சுகத்தை
அனுபவிக்கும்
மனங்களோ
ஆனந்தப்படுகிறது
அப்படியே நிராகரித்து
போன வார்த்தைகளின்
மிச்சங்களை தன்னால்
இயன்றவரை
ஏதோ ஓரிடத்தில்
பேசத்தான் வைக்கிறது
காதல்,,,

ஏதுமற்ற கையறு
நிலையில் கண்களை
மூடிக்கொள்கிறார்கள்
ஒருதலைக் காதலர்கள்

இங்கே நிராகரிப்பின்
சமாதான அறிவுரையை
ஏற்றுக்கொள்ள
இன்னமும்
தயாராகவில்லை

ஆனாலும் யாவரும்
வலிதெரியாமல்
அழுது விடுகிறார்கள்,,,

ஒருதலைக் காதலின்
வலி,வேதனை,துக்கம்
அதிலொரு ஆனந்தமென
அனுபவித்து அசைபோடுவது
அனைவருக்கும்
இருக்கத்தான் செய்கிறது
அது பசியுமல்ல
அது தாகமுமல்ல
அது தவிப்புகளுமல்ல
அதுவொரு சுகமான
அனுபவக் காதல்,,,

2 comments:

வார்த்தைகளை துடைத்தெறிதல்

  நானும் நீயும் பேசுகையில்                    இடையில்  சிந்திய சில வார்த்தைகளை துடைத்து எறிந்து விடுகிறோம் ...  குழந்தையானது சிந்தாமல்  சிதற...